අරුනාචලම් මුරුගුනාදන් හෙවත් PAD MAN – උපුටනයක්

Avatar Nisanka Weheraduwa | June 9, 2019 21 Views 0 Likes 0 Ratings

21 Views 0 Ratings Rate it

උපුටා ගැනීමකි.

ගැහැණියකුගේ ඔසප් වේදනාව පිළිබඳ මෙලෝ හසරක දැනුමක් අරුණාචලම්ට තිබ්බේ නෑ. හැබැයි ඔහු දැක්කා තමන්ගේ බිරිඳ ඔසප් දිනයේ විඳින වේදනාව. පිරිමියෙක් විදිහට මේ ප්‍රශ්නයට දෙන්න පුළුවන් විසඳුම අරුණාචලම් කල්පනා කලා.

දකුණු ඉන්දියාවේ ජීවත් වුන අරුණාචලම් හිතුවා ඔසප් දිනයේදිවත් සනීපාරක්ෂක තුවා පාවිච්චි කරන්නේ නැත්තේ ඇයි කියලා? හේතුව තමයි අධික වියදම. දුගී බවේ පතුලේ ඉන්න ඉන්දියානු සමහර ගැහැණුන් වෙළඳපලේ තියන පෑඩ් වෙනුවට ගෙදර තියන පරණ රෙදි පාවිච්චි කරන බව.
ඒ බව ඔහු තේරුම් ගන්නේ තමන්ගේ බිරිඳ දිහා බලලා.

අරුණාචලම් කඩයකට ගිහින් තමන් ගේ බිරිඳට සනීපාරක්ෂක තුවා මිලදී ගන්නවා. කඩ හිමියා ඒක දෙන්නේ හරියට හොර බඩුවක් විකුනනවා වගේ. ඒක බිරිඳට දුන්නම බිරිඳත් බනිනවා අපරාදේ සල්ලි වියදම් කරන්නේ ඇයි කියලා.

අවසානයේ රෙදි වියන්නෙක් ලෙස ජීවිකාව ගෙනගිය අරුණාචලම් ඔසප් දිනයේ වේදනාව විඳින ගැහැණුන් වෙනුවෙන් සනීපාරක්ෂක තුවා නිපදවන්න පටන් ගන්නවා. මුලින්ම නිපඳවූ තුවාය ලබා දෙන්නේ බිරිඳට. තවත් බැනුම් වැඩි වෙනවා මිස හොඳක් අහන්න ලබෙන්නේ නෑ.

ගමේ කාන්තාවන් නැවතත් අත්හදා බැලීමට දුන්නාම අපහාසයත් උපහාසයත් තමයි ඔවුන්ගෙන් ලැබුනේ. මානසික රෝගියෙක් කියලා කිසිම කෙනෙක් ඉදිරිපත් වුනේ නෑ. ලඟම තිබෙන වෛද්‍ය විද්‍යාල‍යේ තරුණියන්ට මේ තුවා අත් හදා බලන්න දෙන්න ගිහිල්ලා ලොකු අමාරුවක අරුණාචලම් වැටෙනවා.
නමුත් අරුණාචලම් වැඩේ නැවැත්තුවේ නෑ. අවසානයේ පිරිමියෙක් වුන අරුණාචලම් තමන් හදන සනීපාරක්ෂක තුවා තමන්ගේ රහස්‍ය ප්‍රදේශයේ රදවා ගන්නවා. ඊට පස්සේ සිහින් බටයක් දිගේ එළුවන්ගේ රුධිරය අර තුවායට ලබා දෙනවා. වැඩේ අසාර්ථකයි. උරා ගන්නේ නැති එළු ලේ අරුණාචලම් ගේ කලිසම දිගේ බේරෙනවා. අසාර්ථක වීම කොච්චර ඉහලද කියනවා නම් තමන් ගේ බිරිඳ අරුණාචලම්ව අත්හැරදමා යනවා. මේ මානසික රෝගියා එක්ක ජීවත් වෙන්න බෑ කියලා.

මේ අසාර්ථක වීම අරුණාචලම් ගේ සාර්ථක වීමට අවසානයේ හේතුවක් වෙනවා. ඔහු අඩුම වියදමකින් ඉන්දියානු ගැහැණු වෙනුවෙන් සනීපාරක්ෂක තුවා නිපදවනවා. අනේක විධ බාධා හමුවේ තමන්ගේ උත්සහය අත් නොහැරපු අරුණාචලම්ව The Times සඟරාව ලෝකයේ බලගතුම පුද්ගලයන් 100 අතරට නම් කරනවා.

Super Man ලා, Irion Man ලා ගැන කතා කරන මේ සමාජය Pad Man ගැන දන්නේ නෑ. අරුණාචලම් වෙනුවෙන් ගිය අවුරුද්දේ ඉන්දියාවේ චිත්‍රපටියක් පවා හැදෙනවා. පුළුවන්නම් හොයා ගෙන බලන්න. නම තමයි Pad Man.

– උපුටාගැනීමකි –

dc-Cover-fuvdkphnaid742mnsdmuq60i16-20171204144843.Medi

62137810_641818626285029_6091588507174699008_n

Share

21 Views 0 Ratings Rate it

Written by Nisanka Weheraduwa



  • Copyright © 2019 Cinema.lk. All Rights Reserved. Solution by Technology Partner FortunaCreatives.