Sri Lanka's Best Cinema Portal

 

අහස උසට නිමැවූ මන්දිරයේ බිහිසුණු අත්දැකීමක් – Skyscraper අද (13) සිට

0
Posted July 13, 2018 by Nisanka Weheraduwa in Now Showing
36828617_460640431075334_2950085530928283648_n

හොලිවුඩ් සිනමාවට ආදරය කරන හොලිවුඩ් චිත්‍රපට නැරඹීමට කැමති සිනමා රසිකයින් වෙනුවෙන් අලුත්ම සුන ආරංචියක් ගෙන එන්නයි සුදානම. ඒ අලුතින්ම නිර්මාණය කෙරුනු අද සිට තිරගත වීම් ආරම්භ වුනු ක්‍රියාදාම චිත්‍රපටයක් පිළිබඳව තොරතුරු. චිත්‍රපටයේ නම Skyscraper.  හිටපු ෆෙඩරල් පරීක්ෂක (FBI Agent) Will Sawyer සිය පවුල සමගින් Hong Kong හි The pearl නම්වූ අධි ආරක්‍ෂිත දැවැන්ත උස් ගොඩනැගිල්ලේ වාසය කරනවා. මේ ගොඩනැගිල්ල කෙතරම් ආරක්ශිතද කියනවා නම්, එහි ඇතුළත ජිවත් වන්නන්ට එය වෙනම සමාජයක් ලෙස හැඟී යන අයුරින් සකස් කොට තිබෙනවා. ගොඩනැගිල්ලේ ආරක්ෂාව පිලිබඳ දැඩි පිළිවෙත් අනුගමනය කර තිබෙන නිසාම මේ තුළ ජිවත් වන්නන්ට නිදහසේ ආරක්ෂිතව ජිවත් වීමට හැකියි. කෙසේ රැකවල් යෙදුවත් මේ ගොඩනැගිල්ලත් සූක්ෂම ලෙස සැළසුම් කළ ත්‍රස්ත ප්‍රහාරයකට නතු වනවා. ත්‍රස්ත ප්‍රහාරයත් සමග ගොඩනැගිල්ලේ වාසය කරන්නන්ට කුමක් සිදුවේද..? Will Sawyer සහ පවුල මෙම ගැටලුවට කෙසේ මුහුණ දෙන්නේද.? මේ සිදුවීම් හරහා චිත්‍රපටය ගොඩනැගී තිබෙනවා.

2017 වසරේ සැප්තැම්බර් මස නිළ වශයෙන් නිෂ්පාදන කටයුතු ආරම්භ කළ මේ චිත්‍රපටය 2016 වසරේ සිට මුලික අදියරේ සැලසුම් වල තිබූවක්. කැනඩාවේ British columbiaහි චිත්‍රපටය වැඩකටයුතු ආරම්භ වූ බව මාධ්‍ය වාර්තා කොට තිබුනා. චිත්‍රපටයේ තිර රචනය සහ අධ්‍යක්ෂණය Rawson Marshall Thurberගෙන්. කැමරා අධ්‍යක්ෂවරයා වන්නේ Robert Elswit. චිත්‍රපටයේ ප්‍රධාන චරිතය වන Will Sawyer ලෙස රංගනයේ යෙදෙන්නේ Dwayne Johnson. ඔහු මෙහි හිටපු FBI නිලධාරියා ලෙස රංගනයේ යෙදෙනවා.  චිත්‍රපටය පිලිබඳ විචාරක අදහස් වලට අනුව Dwayneගේ රඟපෑම් විශිෂ්ට බව පැවසෙන නමුත් චිත්‍රපටයේ තිර රචනය Die Hard සහ The Towering inferno යන චිත්‍රපට වලට සමානකමක් දක්වන බව පැවසෙනවා. Neve Campbell, Chin Han, Roland Moller, Noah Taylor, Byron Mann, Pablo Schreliber ඇතුළු නළු නිළි පිරිසක් මේ චිත්‍රපටයට රංගනයෙන් දායක වනවා. විනාඩි 102 ක ධාවන කාලයකින් යුතු චිත්‍රපටයට වැයකළ මුළු මුදල ඇමරිකානු ඩොලර් මිලියන 125ක් බව පැවසෙනවා. මේ අපූරු අත්දැකීම විඳීමට අද (ජූලි 13 වැනිදා) සිට ලොව පුරා සිනමා රසිකයින්ට අවස්ථාව හිමිවනවා.

Share

About the Author

Nisanka Weheraduwa


 
Popular
 
  • 11054457_1409705939357865_5822327755300679673_n
  • 10350634_880714251944840_8448217158647864537_n
  • spring depart
  • 598556_431654790279257_1742531492_n [1024x768]
  • madras-cafe-4a
  • aba and coba
  • 174_2
  • mahin2