Sri Lanka's Best Cinema Portal

 

ඩයිනෝසරයන්ගේ ලෝකයට චාරිකාවක්

0
Posted June 4, 2018 by Nisanka Weheraduwa in Coming Up
jurassic

ලොව පුරා සිනමා ප්‍රේක්ෂකයින්ට අලුත්ම අත්දැකීමක් ලබා දෙමින් 1993 වර්ෂයේ නිර්මාණය වුනු Jurassic Park චිත්‍රපටය ඉමහත් ජනප්‍රියත්වයට පත් වුනා. ප්‍රාග් ඓතිහාසික යුගයේ ජිවත් වුයේ යැයි සැලකෙන මිහිමතින් වඳවී ගිය ඩයිනොසර් නමැති සත්ව කාණ්ඩයක් තවමත් ජිවත් වන දුපතක් වෙත ගිය මිනිසුන් කණ්ඩායමක් ඇසුරු කරගනිමින් මෙම චිත්‍රපටය නිර්මාණය කොට තිබුනා. චිත්‍රපටය අතිශය ජනප්‍රිය වුවා පමණක් නොවෙයි ඒ ඇසුරින් වෙනම උප සංස්කෘතියක් පවා බිහිව තිබුනා. කෙසේ නමුත් මෙම සංකල්පය ඇසුරින් ඊට පසුව තවත් නිර්මාණ තුනක් නිෂ්පාදනය කෙරුනා. ජුරාසික් පාක් කතා තේමාව පදනම් කරගනිමින් නිර්මාණය කෙරුණු මෙම චිත්‍රපටද අතිශය ජනප්‍රිය වුනා. එහි සිව්වැනි චිත්‍රපටය ලෙස නිර්මාණය වුනේ JURASSIC WORLD චිත්‍රපටයයි.

Jurassic World 2 නමින් එහි දිගුවක් නැවතත් නිර්මාණය කිරීමට හොලිවුඩ් සිනමා නිර්මාණකරුවන් කටයුතු කොට තිබෙනවා. විද්‍යාත්මක ප්‍රබන්ධ කතාවක් වන මෙම චිත්‍රපටයද ඩයිනෝසරයන් පදනම් කරගත් කතාවක් සමග නිර්මාණය කොට තිබෙනවා. එය ජුරාසික් පාක් චිත්‍රපට මාලාවේ පස්වැනි නිර්මාණය ලෙස සැලකෙනවා. Colin Treverrow සහ Derek Connolly මෙම චිත්‍රපටය සඳහා තිර රචනය සිදුකොට තිබෙනවා. ප්‍රථම ජුරාසික් පාක් චිත්‍රපටය නිර්මාණය කළ Steven Spielberg මෙම චිත්‍රපටයට විධායක නිෂ්පාදකයා ලෙස සම්බන්ධ වී තිබෙන බව සඳහන්. Chris Pratt, Bryce Dallas Howard, Rafe Spall, Justice Smith, Daniella Pineda, James Cromwel, Toby Jones ඇතුළු නළු නිළියන් පිරිසක් මේ චිත්‍රපටයට රංගනයෙන් දායක වනවා. Oscar Faura කැමරා අධ්‍යක්ෂවරයා ලෙස චිත්‍රපටයට දායක වී තිබෙන අතර මෙහි සංස්කාරක වරයා වන්නේ Bernat Vilaplana. විනාඩි 128ක ධාවන කාලයකින් යුතු මෙම චිත්‍රපටය ත්‍රාසය සහ කුතුහලය සහිත අපූරු සිනමා නිර්මාණයක් වනු ඇතැයි මත පලවනවා.

Share

About the Author

Nisanka Weheraduwa


 
Popular
 
  • 11054457_1409705939357865_5822327755300679673_n
  • 10350634_880714251944840_8448217158647864537_n
  • spring depart
  • 598556_431654790279257_1742531492_n [1024x768]
  • madras-cafe-4a
  • aba and coba
  • 174_2
  • mahin2