Sri Lanka's Best Cinema Portal

 

නූතන ලාංකීය සිනමා විචාර සහ අපි – සටහන Kalpana Ambrose

0
Posted July 10, 2018 by Nisanka Weheraduwa in BOOK OF CINEMA
TG-A00-29062018-Film_large

සටහන : Kalpana Ambrose

*************************************************

චිත්‍රපටයක් නැරඹූ පිරිසට වඩා වැඩි ගණනක් විචාර ලියැවුණු ලොව එකම චිත්‍රපටය ට අදාළ එව්වා මෙව්වා දැක බය වී ඒත්තු ගිය කාරණා කෙටියෙන් මෙසේ ය.

# සම්භාව්‍ය චිත්‍රපටියක් බලා ලියන ඕනෑම සටහනක්/ රසවින්දනයක්/ ෆේස්බුක් කමෙන්ට් එකක් යනු ‘සිනමා විචාරයක්’ ලෙස අර්ථ ගැන්වේ. (ලියූ එකා කොච්චර නෑ කිව්වත්) ලියූ සැනින් ඒවා විචාර ගනයට වැටෙන අතර ඒ දුර්වල, චපල,අබල, දුබල විචාරය නිසා අපාගත වීමට සූදානම් විය යුතුය.

# නිසා පුහුදුන් හුදු සිනමා රසික⁣යින් ඒවා නො ලිවිය යුතුය. මන්ද සිනමා විචාරය ඔවුන් වැනි දුහුනන්ට අයිති එකක් නොවේ.

#කොටින්ම සිනමා භාෂාව, සිනමාවේ පාට, සිනමාවේ උස, සිනමා රීති නො දැන මෙබඳු විශේෂිත ලෝක පූජිත කෘති ප්‍රදර්ශනය කරන සිනමා ශාලාවල පස් නො පෑගිය යුතු⁣ය.

#ඒවා නො දැන බලන්න ගියා මදිවට රසවින්දන ( සමාවෙන්න) විචාර ලියන්න ගියාට ලාංකේය සිනමා රසිකයාට හොඳ වැඩේ ය.

#ලංකාවේ චිත්‍රපට වර්ග දෙකකි. එක වර්ගයක් චිත්‍රපට ය.ඒවා කැමති අය බලති.අකමැති අය නො බලා නිකම් ඉඳිති. අනිත් වර්ගය අන්තර්ජාතික සම්මාන ප්‍රොජෙක්ට්ස් ය. එ්වා බලන්නට හා ඒ ගැන කතා කරන්නට නිකං අයට බැරිය.

#ඒවාට අනන්‍ය ලක්ෂණ අටෝරාසියකි. වෙනත් සම්භාව්‍ය චිත්‍රපටවලින් ගත් කෑලි එසෙම්බල් කිරීම, රූගත කිරීම් අවසාන වන විට දහදුක් වින්ද ෆිල්ම් කෲ එක හොම්බෙන් යැවීම, විචාරකයින්ට තර්ජනය කිරීම, මාධ්‍යවලින් තමන් අකමැති ලිපි ඉවත්කරවීම, ෆේස්බුක් කමෙන්ට් ප්‍රින්ට් කිරීම , රටින් රටට දැයෙන් දැයට පිටපත වෙනස් කිරීම ඉන් කීපයක් පමණි. ඒ වුනාට සිනමා මාන නො දන්නා සිල්ලර රසිකයින් ඒවා කතා කළ යුතු නැත. ඉන් දිස් පෝස්ට් මොඩර්න් එරා ‘ දි ඕතර් ඉස් ඩෙඩ්’ ය.

ඉතිං දැන් නම් මට ද හීනයක් තිබේ. ඒ් මගේ් මිතුරන් මෙන් ඒ අන්තර්ජාතික සිනමාව දැන හෝ නො දැන විචාරය කර අද්යස්සලාගේ තර්ජනවලට මූණ දෙන්නට හෝ එයාගෙ යාළුවන්ගෙන් නව නිංගිරා විඳින්නට නොවේ.

දවසක ස්පිල්බර්ග් එක්ක ද ඊළඟට අබ්බාස් කියරොස්තාමි එක්ක ද (හරි, දැන් එයා මැරිලා නිසා එයාගෙ පිළිමයක් එක්ක) වෙන වෙනම මුත් එකම රොමෑන්ටික් මූඩ් එකෙන් ෆොටෝ අරං ෆේස්බුක් දාන්නට ය. එය මගේ් පෘථුල සිනමා දැක්ම ද පතුල නො පෙනෙන අන්ටැන්ජිබල් සිනමා දැනුමේ ගැඹුර ද විදහා පෙන්වනු ඇත.

ප.ලි.
දැන් ඉතිං හිතවත් සම්භාව්‍ය සිනමාවේදීනි, උගතුනි, මගේ ලේ් බොන්නට නො එන්න. ඔබ දැනටත් දන්නා පරිදි මම හුදෙක් යාශ් චොප්රා රසිකයෙක් පමණක් මි. මේ පහුගිය ටිකේ ෆේස්බුක් බලා මා උගත් දේ පමණි.

ප.ප.ලි.
මා නො දන්නා ඔබ දන්නා ඉරානයේ සිනමාකරුවෙක් වරක් මෙසේ කියා ති⁣බේ.
“When I’m in the process of making a movie I’m not thinking about the finished result, and whether people have to see it once or more than once, and what the reaction to it will be. I just make it, and then I live with the consequences, some of which may not be as pleasant as I’d like! “
-Abbas Kiarostami

Share

About the Author

Nisanka Weheraduwa


 
Popular
 
  • 11054457_1409705939357865_5822327755300679673_n
  • 10350634_880714251944840_8448217158647864537_n
  • spring depart
  • 598556_431654790279257_1742531492_n [1024x768]
  • madras-cafe-4a
  • aba and coba
  • 174_2
  • mahin2