විසාකේස, පාංශු චිත්‍රපට කණ්ඩායම සමග Pune යයි

Avatar Nisanka Weheraduwa | January 16, 2019 30 Views 0 Likes 0 Ratings

30 Views 0 Ratings Rate it

නීතිඥ විසාකේස චන්ද්‍රසේකරම් කියන්නේ ලංකාවේ සිනමාව ඇතුලේ වෙනස් විදිහේ දේවල් කරන්න උත්සහ කරන අධ්‍යක්ෂවරයෙක්. ඔහුගේ පළමු සිනමා නිර්මාණය වුනු “සයපෙති කුසුම” හරහා ඔහු දේශීය සිනමාවට අලුත් මාතෘකාවක් පිලිබඳ සාකච්චාවක් ගොඩනගන්න උත්සාහ කළා. ඔහුගේ දෙවැනි සිනමා නිර්මාණයත් දැන් තිරගත කිරීමට සුදානම්. මේ දිනවල විසාකේස ඉන්නේ ඉන්දියාවේ. ඒ, Pune International Film Festival 2019 සඳහා සහභාගී වෙමින්. ඔහුගේ දෙවැනි සිනමා නිර්මාණය වන “පාංශු” එහි තරගකාරී අංශය නියෝජනය කරමින් තිරගත වනවා. මිට පෙර දෙරණ “හෙට දවසේ සිනමාව” සිනමා උළෙලේදී චිත්‍රපටයේ world premier දර්ශනය පැවැත්වූ විසාකේස, එහි International Premier දර්ශනය කැනඩාවේ මොන්ට්‍රියෙල් සිනමා උළෙලේදී පැවැත්වුනා. දැන් සිනමාපටය ලොව වටා සිනමා උළෙල කිහිපයකටම යොමුකොට ඇති බවත් සඳහන්. ඒ අනුව මේ දිනවල පූනේ අන්තර්ජාතික සිනමා උළෙලේ එය ප්‍රදර්ශනය කිරීම සඳහා චිත්‍රපට කණ්ඩායම ඉන්දියාවට ගොස් තිබෙනවා.

“අපේ රටේ විවිධ කාලවල තරුණ අරගල ඇති වුනා. 1971 කැරැල්ල සහ 88,89 කාලය මින් විශේෂයි. නමුත් මේ තරුණ අරගල, එහි පසුබිම සහ ඒ හරහා සිදුවුණු ජන සංහාරය අපේ සිනමාවට මගහැරිලා කියල මට හිතුනා. ඒ නිසා අන්න ඒ මහා ජන සංහාරය ගැන චිත්‍රපටයක් කරන්න මම තීරණය කළා. ඒ විදිහටයි පාංශු නිර්මාණය වුනේ. ඒ සියල්ල අමතක වෙලා වගේ අවු 30කට ආසන්න කාලයක් අපි ජිවත් වුනත්, තවදුරටත් එහෙම නිද්‍රා සහගතව ඉන්න මට පුළුවන් කමක් නැහැ, ඒ නිසා මගේ කලා මාධ්‍ය ඇතුලේ මට හැකි මැදිහත්වීම කරන්න මම තීරණය කළා. ඒ තුළ, යමක් කරන්න මට හැකිවුනා කියල විශ්වාස කරනවා.” අධ්‍යක්ෂ විසාකේස, චිත්‍රපටය පිළිබඳව cinema.lk සමග පිළිසඳරකදී ප්‍රකාශ කළා.

49404310_2106457949470395_8720176451594223616_n 49652187_2106063786176478_262770961072259072_n 49671308_2106065169509673_8751083027666305024_n 49678559_2107345449381645_9019456713446653952_n 49726516_2106065292842994_8177387783329939456_n 49840960_2107345269381663_5130420292853694464_n 49845096_2106065492842974_3043266895114403840_n 49947151_2106456859470504_728732985217515520_n

Share

30 Views 0 Ratings Rate it

Written by Nisanka Weheraduwa



  • Copyright © 2019 Cinema.lk. All Rights Reserved. Solution by Technology Partner FortunaCreatives.