Sri Lanka's Best Cinema Portal

 

හොලිවුඩ් සිනමාපටයකට ශ්‍රී ලාංකික සංස්කරණ ශිල්පියෙක්

0
Posted January 2, 2019 by Nisanka Weheraduwa in Cine News
gandhi

2019 වසරේ නිෂ්පාදනය වන හොලිවුඩ් චිත්‍රපට අතරට අපූරු චිත්‍රපටයක් නිර්මාණය වන බව තොරතුරු වාර්තා වනවා. චිත්‍රපටයට පසුබිම් වන්නේ ඉන්දීය නිදහස් සටනේ වීරවරයකු ලෙස සැලකෙන මහත්මා ගාන්ධි චරිතය. මහත්මා ගාන්ධි ඝාතනයට ලක්වූ ආකාරය පිලිබඳ ප්‍රමාණාත්මක සාක්ෂි සහ තොරතුරු මත සිදුකළ පර්යේෂණ තොරතුරු ඇසුරේ මෙහි කතාව ගොඩනැගී ඇතැයි සඳහන්. චිත්‍රපටයේ නම “The Gandhi’s murder”.  මෙම කතාපුවත සිනමාවට නගන්නේ Karim Traidia සහ Punkaj Sehgal විසින්.

ශ්‍රී ලාංකික සිනමාවට මේ චිත්‍රපටයේ යම් විශේෂත්වයක් ඇති බවට තොරතුරු වාර්තා වනවා. චිත්‍රපටයේ සංස්කරණ කටයුතු සඳහා ශ්‍රී ලාංකික ශිල්පියකු සම්බන්ධ වී තිබීම ඊට හේතුවක්. සිනමා සංස්කරණ ශිල්පී අචිල රනිල් ෆොන්සේකා මෙම සිනමාපටයේ පසු නිෂ්පාදන කටයුතු සඳහා සංස්කරණ ශිල්පියකු ලෙස සම්බන්ධ වනවා. පරිගණක තාක්ෂණය පිලිබඳ ඉන්දියාවේ අධ්‍යාපනය ලබා ඇති ඔහු, කෙමෙන සංස්කරණ ශිල්පියකු ලෙස සිය වෘත්තීය ආරම්භ කළා.

Torana video movies, Maharaja organization, Young asia television වැනි ප්‍රසිද්ද සන්නාම යටතේ සේවය කොට පළපුරුද්දක් ඇති ඔහු Vilippu, Nature calls, Mihisara, Tribe, Sivusata වැනි වාර්තා වැඩසටහන් රැසක සංස්කරණ ශිල්පියාද වනවා. ප්‍රසන්න ජයකොඩි අධ්‍යක්ෂණය කළ “කාර්ම”, බුඩි කීර්තිසේනගේ “මාතා” සහ ජර්මානු නිෂ්පාදනයක් වන The Emdem men වැනි නිර්ම්මන සඳහා සංස්කරණයෙන් ඔහුගේ දායකත්වය ලැබී තිබෙනවා. අලුත්ම හොලිවුඩ් නිෂ්පාදනයක් වන Solar Clipse සඳහාද සංස්කරණයෙන් රනිල් ෆොන්සේකා දායකත්වය ලබා දෙනවා.

ඔහු දායක වන The Gandhi’s murder චිත්‍රපටය ඉතිහාසයේ වැදගත් සන්ධිස්ථානයක් වනු ඇතැයි ඉඟි පලවනවා.

Share

About the Author

Nisanka Weheraduwa


 
Popular
 
  • 11054457_1409705939357865_5822327755300679673_n
  • 10350634_880714251944840_8448217158647864537_n
  • spring depart
  • 598556_431654790279257_1742531492_n [1024x768]
  • madras-cafe-4a
  • aba and coba
  • 174_2
  • mahin2