Sri Lanka's Best Cinema Portal

 

Siddhartha Gautama Sinhala Movie – ශ්‍රී සිද්ධාර්ථ ගෞතම

2
Posted January 24, 2013 by in

Rating

Plot
 
 
 
 
 


Acting
 
 
 
 
 


Directing
 
 
 
 
 


Costume
 
 
 
 
 


Total Score
 
 
 
 
 

3.5/ 5

Quick Stats

 
Director:
 
Actors: , , , ,
 
Producer:
 
Composer:
 
Release Date: 2013-1-24
 
Small Description

ලෝකයක් අඳුරින් මුදවාගෙන ආලෝකයේ මාවතකට යොමු කළ මිනිසුන් අතරින් බුද්ධ චරිතයට හිමි වන්නේ ඉතාමත් සුවිශේෂී වු ස්ථානයක්.ලෝකයේ තිබෙන සෑම සැප සම්පතක්ම අතහැර මේ ලෝකයේ සෑම සත්ත්වයෙක්ගේම සුභ සිද්ධිය උදෙසා සැබැ විමුක්තිය සොයා යන සිද්ධාර්ථ කුමාරයාගේ භුමිකාව අපුර්ව වු සිනමා සිතුවමකින් ප්‍රතිනිර්මාණය කරන්නට ලාංකේය නිර්මාණකරුවන් පිරිසකට හැකිව තිබෙනවා. සිදුහත් කුමාරයාගේ උපත්තියේ සිට බුදුවීම දක්වා දිව යන […]

by Cinema.lk
Full Article

ලෝකයක් අඳුරින් මුදවාගෙන ආලෝකයේ මාවතකට යොමු කළ මිනිසුන් අතරින් බුද්ධ චරිතයට හිමි වන්නේ ඉතාමත් සුවිශේෂී වු ස්ථානයක්.ලෝකයේ තිබෙන සෑම සැප සම්පතක්ම අතහැර මේ ලෝකයේ සෑම සත්ත්වයෙක්ගේම සුභ සිද්ධිය උදෙසා සැබැ විමුක්තිය සොයා යන සිද්ධාර්ථ කුමාරයාගේ භුමිකාව අපුර්ව වු සිනමා සිතුවමකින් ප්‍රතිනිර්මාණය කරන්නට ලාංකේය නිර්මාණකරුවන් පිරිසකට හැකිව තිබෙනවා.

සිදුහත් කුමාරයාගේ උපත්තියේ සිට බුදුවීම දක්වා දිව යන ශ්‍රී සිද්ධාර්ථ ගෞතම නම් මේ දැවැන්ත නිර්මාණය ජනවාරි මස 24 දා සිට ඊ. ඒ. පී. මණ්ඩලයේ තිරගත කිරිමට සියලු කටයුතු මේ වනවිටත් සුදානම් කර තිබෙනවා.රටවල් කිහිපයකම රංගන ශිල්පී,ශිල්පිණියන්ගේ රංගන දායකත්වයෙන් හැඩ වු මෙම නිර්මාණයේ අධ්‍යක්ෂකවරයා වන්නේ කලක් ජාතික චිත්‍රපට සංස්ථාවේ සාමාන්‍යාධිකාරීවරයා ලෙස කටයුතු කරන ලද සමන් වීරමන් විසිනුයි.එමෙන්ම නවීන් ගුණරත්නයන්ගේ නිෂ්පාදනයෙන් සහ නිෂ්පාදන සැලසුමෙන් දායක වූ මෙම දැවැන්ත සිනමාපටයේ සිද්ධාර්ථ කුමරුන්ගේ චරිතයට පණ පොවන්නේ ගගන් මලක් නම් ඉන්දීය ජාතික රංගන ශිල්පියෙකි.එලෙසම යශෝධරා දේවිය ලෙස අන්වල් සිංග්හ් ද, මහමායා දේවිය ලෙස අංශු මලික් ද, දෙව්දත් ලෙස ගෞතම් ගුලාටි ද එරටින් රංගනයේ යෙදෙයි. රන්ජන් රාමනායක සුද්ධෝදන රජු ලෙස ද, ජීවන් කුමාරතුංග බිම්බිසාර රජු ලෙස ද, සාරංග දිසාසේකර චන්න ඇමති ලෙස ද, රොෂාන් රණවන නන්ද කුමරු ලෙස ද, විශ්වමිත්‍ර බමුණු චරිතය බුද්ධදාස විතානාච්චි ද, සුක්‍රබුද්ධ රජු ලෙස ඩග්ලස් රණසිංහ ද, ශ්‍රී සිද්ධාර්ථ ගෞතම රංගනයෙන් හැඩ කරයි.

සංඝරත්නයේ අනුශාසනා මධ්‍යයයේ දීර්ඝ පර්යේෂණයකින් පසුව සමන් වීරමන් සමඟ එඩ්වින් ආරියදාස, නවීන් ගුණරත්න, ජෝර්ජ් කල්දාන සහ චන්ද්‍රන් රත්නම් මේ පිටපත සකස් කොට තිබෙනවා. කේ. ඩී. දයානන්ද කැමරා අධ්‍යක්ෂවරයාය. ප්‍රදීප් රත්නායක මෙහි ස්වර රටා නිර්මාණය කර ඇත. ජයන්ත රණවකගේ අංග රචනයකි. ප්‍රවීන් ජයරත්න සංස්කරණයෙන් ද, ඔමේෂ් විජේරත්න ඇඳුම් නිර්මාණයෙන් ද ශ්‍රී සිද්ධාර්ථ ගෞතම සඳහා දායක වෙති. රොෂාන් චන්ද්‍රරත්න පසුතල නිර්මාණ ශිල්පියාය.

ලොව වටා සිනමාව ගැන එසැනින් දැනගන්න අපගේ ෆේස්බුක් අඩවිය හා එක්වන්න

Cast & Crew – නළු නිළියන්

 04 - Main Cast t

History – ඉතිහාසය

”ශී‍්‍ර සිද්ධාර්ථ ගෞතම” චිත‍්‍රපටය 2600 වැනි ශී‍්‍ර සම්බුද්ධත්ව ජයන්තිය උළෙල සැමරිම පිණිස මෙයට වසර 06 කට පෙර ආසියා ආලෝක පදනම මගින් ආරම්භ කරන ලද මහා පුජනීය ප‍්‍රයන්තයකි.

1) ආරම්භය :-
2007 වර්ෂයේ ජාතික චිත‍්‍රපට සංස්ථාවේ සාමාන්‍යධිකාරිව සිටි, සමන් වීරමන් ආසියා ආලෝක පදනමේ සභාපති නවීන් ගුණරත්න හමුවී මෙම ඵෙතිහාසික නිර්මාණය පිළිබඳව යෝජනාව ඉදිරිපත් කළ අතර, එවකට මහා වංශය ඇසුරු කර ගනිමින් විජය කුවේණි කථාවස්තුව මත ඉංගී‍්‍රසි භාෂාවෙන් චිත‍්‍රපටයක් කිරීමට සුදානම් ව සිටි ඔහු සාරාසංකල්ප ලක්ෂයක් (වසර එකයි බින්දු එකසිය හතලිහ* පාරමිදම් පුරා සම්බුද්ධ රාජ්‍ය සාක්ෂාත් කර ගත් අප ගෞතම බුදුරජාණන්ගේ කුමර ජිවිතය පිළිබ`දව සම්බුද්ධත්වයෙන් 2600 වසර එලඹෙන මෙම යුගයේදී වර්ථමානයේ ජිවත්ව සිටින සිනමාකරුවන් වශයෙන් සාර්ථක චිත‍්‍රපටයක් නිපදවා අපගේ ජිවිත කාලය තුළ තිලෝගුරු බුදුරජාණන් වහන්සේ වෙත අපට කළ හැකි මහා පුජාව අප කළ යුතුයැයි ඔවුන් දෙදෙනාම එකහෙලා පිළිගත්හ. ඒ අනුව කිසිදු පැකිලීමකින් තොරව ඔහු සුදානම් වෙමින් සිටි පෙර කී චිත‍්‍රපටය පිළිබ`දව තව දුරටත් කටයුතු කිරිම අතහැර ”ශී‍්‍ර සිද්ධාර්ථ ගෞතම” චිත‍්‍රපටය නිපදවීමේ මහා බාරධුර වගකීම දැඩි භක්තියකින් හා කැපකිරීමකින් යුතුව භාරගත්තේ ය.

2) කතා සාරය :-
සිද්ධාර්ථ කුමරුගේ උත්පත්තියේ සිට සම්බුද්ධත්වය දක්වා හටගත් සුවිශේෂී සිදුවිම් මත දිග හැරෙන මෙම සිනමා කෘතිය තුළ මෙතෙක් නරඹන්නා නුදුටු එහෙත්, කලාකරුවන් විසින් උපකල්පනය කරණු ලබන සිද්ධාර්ථ කුමාරයාගේ හා යශෝධරා දේවියගේ වියෝව තුළින් නිර්මාණය වන සංවේදි ආදර කතාවක් ද සියුම් ලෙස අන්තර්ගත වේ.

3) තිරනාටකය ලිවීම :-
මෙම චිත‍්‍රපටයේ තිරනාටක රචනය එහි ප‍්‍රධානතම බාරදුර වගකිම විය. ආසියාවේ ප‍්‍රතිභා පුර්ණ අධ්‍යක්‍ෂවරයෙකු වන ශාම් බෙනගල්ගේ යොමු කිරීම මත ඒ සඳහා බොලිවුඞ් තිර රචකයෙකු වන අතුල් තිවාරි යන අය ද, ආචාර්ය වල්පොල පියනන්ද නායක හිමිගේ යොමු කිරීම මත හොලිවුඞ් තිර රචකයෙකු වන ස්ටිවන් ලෝංග් යන අය ද යොමු කළ මුත් ඔවුන් දෙදෙනාම සිද්ධාර්ථ කුමාරයාගේ උත්පත්තියේ සිට සම්බුද්ධත්වයට පත් වන තෙක් සිදු වු සුවිශේෂි සිදුවීම් මත නිර්මාණය කර ලියු තිරනාටක දෙක පිළිබඳව නිෂ්පාදන කණ්ඩායම සැහිමකට පත් නොවුණි. එහෙයින්, අවසානයේදී බලන්ගොඩ ආනන්ද මෛති‍්‍රනායක ස්වාමින් වහන්සේ විසින් රචිත ”ශී‍්‍ර සිද්ධාර්ථ ගෞතම” ග‍්‍රන්ථය ආශි‍්‍රතව සිංහල භාෂාවෙන් තිර රචනය ලිවීමට සමන් වීරමන් අභියෝගය භාරගත් අතර, එම මුල් සිංහල පිටපත අවසන් කිරීමෙන් පසුව එය වර්ධනය කිරීමේ වගකීම කලා කීර්ති එඞ්වින් ආරියදාස, නිෂ්පාදක නවීන් ගුණරත්න ද ජාත්‍යන්තර චිත‍්‍රපට අධ්‍යක්‍ෂ චන්ද්‍රන් රත්නම් හා ජෝජ් පල්දානෝ යන අය ද බාරගත්හ.

4) උපදේශක මණ්ඩලය :-
මෙම තිරනාටකය ලිවීමේදී ජයවර්ධනපුර විශ්ව විද්‍යාලයේ කුලපති මහාචාර්ය බෙල්ලන්විල විමලරතන නායක ස්වාමින් වහන්සේ ද, කැළණියේ රජමහා විහාරයේ විහාරාධිපති කැළණි විශ්ව විද්‍යාලයේ බෞද්ධ හා පාලි අංශයේ මහාචාර්ය කොල්ලූපිටියේ මහින්ද සංඝරක්ඛිත නායක ස්වාමින් වහන්සේ ද ලෝක බෞද්ධ සම්මේලනයේ උප සභාපති හා ප‍්‍රංශ බෞද්ධ සංගමයේ සභාපති ආචාර්ය ටී. ධම්මරතන නායක ස්වාමින් වහන්සේද, පුජ්‍ය මෙත්තවිහාරි ස්වාමින් වහන්සේ ද, පැවිදි උපදේශකත්වය ලබා දුන් අතර ආචාර්ය ආනන්ද ගුරුගේ මහතා ද, ජපානයේ මහාචාර්ය එන්ඩෝ මහතා ද, මහාචාර්ය නිමල් ද සිල්වා මහතා ද ගිහි උපදේශකත්වය ලබා දුන්හ.

5) මහා සංඝරත්නයේ අනුමැතිය :-
ලියන ලද අවසන් තිර පිටපත මත චිත‍්‍රපටය අධ්‍යක්‍ෂණය කොට නිම කිරීමට පෙර අධක්‍ෂ සමන් වීරමන්ට භාරවුයේ මහා ෙඵෙතිහාසික වගකිමකි. ”ශී‍්‍ර සිද්ධාර්ථ ගෞතම” චිත‍්‍රපටය පිළිබඳව ශී‍්‍ර ලංකාව තුළ පළමු පුරවැසියා වු ජනාධිපතිතුමාගේ සිට යාන්තමින් බහතෝරන කුඩා බිළිදා දක්වා සෑම පුරවැසියෙකුටම වගකිවයුතු හෙයින් මෙම තිරනාටකය මහා සංඝරත්නය ඉදිරියේ පැහැදිලි කොට රූගත කිරිම සඳහා අවසර ඉල්ලා සිටීමට ඔහුට සිදු විය. මේ සඳහා 2600 ශී‍්‍ර සම්බුද්ධත්ව ජයන්ති ජනාධිපති මණ්ඩලය දිවයිනේ විවිධ ක්ෂේත‍්‍රයන්ගෙන් තෝරාගත් නායක ස්වාමින් වහන්සේලා හා විද්වතුන්ගෙන් සැදුම්ලත් 26 දෙනෙකුගෙන් යුත් මණ්ඩලයකට මෙය ඉදිරිපත් කිරිමට නියම කළ අතර, පැය හතර හමාරක් පුරා තිරනාටකයේ මුලික පිංතුර 308 ක් ප‍්‍රදර්ශනය කරමින් කතාවේ ගලා යැම කෙසේ සිදු වන්නේ දැයි පැහැදිලි කිරිමට සමන් වීරමන්ට සිදු විය. කුඩා සංශෝධන කිහිපයකට යටත්ව මෙම මණ්ඩලය විසින් එය අනුමත කළ අතර චිත‍්‍රපටය රූගත කිරීමෙන් පසුව ද නැවතත් මෙම මණ්ඩලය වෙත එය ප‍්‍රදර්ශනය කිරීමට ඔහුට සිදු විය. එහිදි ද සරල සංශෝධන කිහිපයක් යෝජනා වු අතර, ඒවා සාර්ථක ලෙස නිවැරදි කරමින් අධ්‍යක්‍ෂ සමන් වීරමන් වගකිමෙන් යුතුව කි‍්‍රයා කළේ ය.

6) පසුතල හා කලා භාණ්ඩ නිර්මාණය :-
මෙම චිත‍්‍රපටය නිර්මාණය කිරීමේදී මුහුණ දෙන්නට සිදුවු ඊළඟ දැවැන්තම අභියෝගය වූයේ එහි පසුතල නිර්මාණය හා කලා භාණ්ඩ නිර්මාණය යි.
වසර 2600කට පෙර පැවති කපිලවස්තු රජ මාළිගය ඒ සඳහා ඉදිකළ යුතුව තිබුණි. චිත‍්‍රපටයේ නිෂ්පාදක මෙන්ම ප‍්‍රධාන නිෂ්පාදන සැලසුම්කරු වු නවීන් ගුණරත්න ගෘහ නිර්මාණ ශිල්පි රොෂාන් චන්ද්‍රරත්න සමඟ එම ඵෙතිහාසික මාලිගය ඉදි කිරිමේ සැලසුම් සකස් කරන්නට වුහ. වසර 30 ක් පුරා නේපාලයේ කපිල වස්තු මාලිගය පිළිබඳ වගකීම හා අධ්‍යනයේ නියලූණු පුරාවිද්‍යා විශේෂඥ බසන්ත් බිදාරි යන අයගේ ද උපදෙස් මත ඔවුන් මෙම සැලසුම් පිළියෙල කොට අවසන් කළ අතර, කැලණියේ මානෙල්වත්ත විහාරයේ අක්කර 08 ක භූමි භාගය තුළ එය ඉදිකරදිමේ මහා පුණ්‍යකර්මයට මානෙල්වතු විහාරයේ විහාරාධිපති ආචාර්ය බෝදාගම චන්දිම නායක ස්වාමින් වහන්සේ පෙරමුණ ගත්හ. දින 22 ක මහා වර්ෂාව මැද්දේ වුව ද පුරා දින 72ක් තුළ මෙම මාළිගාව ඉදිකර දිමට එසේ නවීන් ගුණරත්නගේ හා ආචාර්ය බෝදාගම චන්දිම නායක ස්වාමින් වහන්සේගේ නායකත්වය මත හැකියාව ලැබිණි.
7) ඇදුම් ආයිත්තම් :-
වසර 2600කට පෙර භාවිතා කළ ඇªම් ආයිත්තම් නිර්මාණය ද එවැනිම වු තවත් අභියෝගයකි. ප‍්‍රධාන නිෂ්පාදන සැලසුම්කරු වන නවීන් ගුණරත්න මේ සඳහා විශේෂඥ දැනුම් සම්භාරයක් සහිත ශිල්පීන් කිහිපදෙනෙකු යොදවා ගනිමින් ඇදුම් වර්ග පමණක් 1000 කට ආසන්න සංඛ්‍යාවක් නිර්මාණය කර වු අතර එහි විශේෂත්වය වන්නේ එම එකදු ඇªමක් හෝ මසා නිම කරන ලද ඇªම් නොව එම යුගයේ භාවිතා කරන ලදැයි අනුමාන කළ හැකි සිරුරු වල ඔතා ගන්නා ඇªම් වර්ග වීමයි. කනකර ආයිත්තම් හා පාවහන් වර්ග ද එවැනි ම වු පෞරාණික යුගයේ පැවතුනා යැයි පිළිගත හැකි විශේෂිත නිර්මාණයන් විය.

8) නළු නිළියන් :-
මෙම චිත‍්‍රපටියේ ප‍්‍රධාන චරිත සඳහා නළු නිළියන් තෝරා ගැනිම පිළිබඳව ද නිෂ්පාදන කණ්ඩායම මුල සිට ම දැරු මතය වුයේ සිද්ධාර්ථ කුමරුගේ චරිතය යශෝධරා දේවියගේ චරිතය හා මහාමායා දේවියගේ චරිත සඳහා විදේශ නළු නිළියන් භාවිතා කළ යුතුය යන්න ය.
කෞෂල්‍යා වික‍්‍රමසිංහගේ සහ ඉන්දියාවේ ශහිද් හසන් යන අයගේ ද සහාය ඇතිව උතුරු ඉන්දියාවට ගොස් ශිල්පින් 200 කින් පමණ සිද්ධාර්ථ කුමරු සදහා ද යශෝධරා දේවිය ස`දහා ද මහමායා දේවිය හා දේවදත්ත කුමරු ස`දහා ද ඉන්දිය නළු නිළියන් තෝරා ගත් අතර, සිද්ධාර්ථ කුමරු ලෙස ගගන් මලික් ද, යශෝදරා දේවිය ලෙස අන්චල් සිං ද, මහමායා දේවිය සදහා අංශු මලික් ද, දේවදත්ත කුමරු ලෙස ගෞතම් ගුලාටි ද, ප‍්‍රජාපති දේවිය ලෙස ශී‍්‍ර ලංකාවේ උපත ලැබු දැනට ඇමරිකාවේ ජිවත් වන ඇන්ජි පෙරේරා ද යොදා ගැනිණි. එහෙත් අනෙක් ප‍්‍රධාන සියලූ චරිත ශී‍්‍ර ලාංකීය නළු නිළියන් නිරූපණය කළහ. ඒ අනුව රන්ජන් රාමනායක සුද්ධෝදන රජු ලෙස ද, රොෂාන් රණවන නන්ද කුමරු ලෙස ද, සාරංග දිසාසේකර චන්න ඇමති ලෙස ද, ජීවන් කුමාරතුංග බිම්බිසාර රජු ලෙස ද, ඩග්ලස් රණසිංහ සුප‍්‍රබුද්ධ රජු ලෙස ද, බුද්ධදාස විතානාච්චි ගුරු විශ්වමිත‍්‍ර ලෙස ද, විල්සන් ගුණරත්න අසිත තවුසා ලෙස ද, සංජුල දිවාරත්න උදයින් බමුණා, ලෙස ද, එඞ්වින් ආරියදාස රාම තවුසා ලෙස ද, රංජිත් පියසිංහ කොණ්ඩඤ්ඤ තවුසා ලෙස ද, චිත‍්‍රාමුල්ලගේ රංගබුද්ධ ආලාර කාලාම ලෙස ද, රඟන අතර ඔෂධි මද්දුමහේවා සුජාතා ලෙස ද, දුෂ්ශ්‍යන්ත් වීරමන් පසේනදි කුමරු ලෙස ද, ජයන්ත ගලගෙදර චන්නගේ පියා ලෙස ද, රඟ පැවෝය. මිට අමතරව ලංකාවේ තවත් ප‍්‍රතිභා පුර්ණ නළු නිළියන් රාශියක් විවිධ චරිත නිරූපණය කරති.

9) සංගීතය :-
මිනිස් හදවත් සසල කරනු ලබන එම සංවේදි දෘශ්‍යමය ගලායාම වඩ වඩාත් තිවු කරණු ලබන්නේ ශී‍්‍ර ලංකාවේ අති දක්‍ෂ සංගීත අධ්‍යක්‍ෂවරයෙකු වන ප‍්‍රදීප් රත්නායකගේ සංගීත නිර්මාණයෙනි. ඒ සදහා පුජ්‍ය රඹුකන සිද්ධාර්ථ හිමි ද, පුජ්‍ය පල්ලේගම හේමරතන හිමි ද, ලියන ලද ගීපද මාලා තවදුරටත් ශී‍්‍ර ලාංකීය නරඹන්නන්ගේ හදවත් සසල කරන බව නොඅනුමාන ය. ප‍්‍රවීන ගායන ශිල්පි අමරසිරි පීරිස් හා සුරලි ප‍්‍රනාන්දු එම ගී පද මාලාවලට මහත් ජිවයක් ලබා දී ඇත.
10) නර්ථන නිර්මාණය :-
ප‍්‍රාකාරයෙන් වටවී කොටු වු මාළිගා පරිශ‍්‍රයක් තුළ සිදුහත් කුමරුට තුරුණුවිය ගෙවීමට සිදුවුව ත්, එහි තළ නැටුම්, ගැයුම් හා වැයුම් අසිමිතව පැවැතුනි. එබැවින් මෙම චිත‍්‍රපටය තුළ සංගීතය මෙන්ම නැටුම් පුහුණුවට ද ප‍්‍රධානතම ස්ථානයක් හිමිවේ. ඒ සඳහා ප‍්‍රවීන ජාත්‍යන්තර තලයේ ආචාරවරුන් වන චන්න විජේවර්ධන යන්ගේත් රවී බන්දු විද්‍යාපතිගේ හා රංගනා ආරියදාස නර්තන ශීලපිනියගේත් දායකත්වය මෙම චිත‍්‍රපටයේ විශිෂ්ඨත්වය වඩ වඩාත් වර්ධනය කිරිමට හේතු විය.

11) වේෂ නිරූපණය
වසර 2600කට පෙර කපිලවස්තු පුර මාළිගා පරිශ‍්‍රය ඇතුළත හා පිටත වැසියන්ගේ මෙන් මෙම චිත‍්‍රපයේ ප‍්‍රධාන චරිතවල හා සෑම අප‍්‍රදාන චරිතයකම වේෂ නිරුපණ රටාව ඉතාමත් දුෂ්කර කාර්යක් විය. විශේෂයෙන් සිදුහත් කුමරුගේ කුමර දිවියට මෙන්ම තපස් දිවිය අරම්භවීමත් සමඟම දුෂ්කරක් කි‍්‍රයාවන්ට මුහුණ දෙන රූපද වඩාත් සංකීර්ණ විය. හොලිවුඞ් පුරවරයේ පවා පුහුණුව ලැබ, අත්දැකිම් සහිත වේෂ නිරූපණ ප‍්‍රධානී ජයන්ත රණවක ඒ සඳහා ඉදිරිපත් වීම විශාල ශක්තියක් විය. එමෙන් ම ඉන්දියාවෙන් පැමිණි ප‍්‍රදීප් නායක් කනයියලාල් යන අය ද ඒ සඳහා ඔහුට මනා සහයක් ලබා දුන්නේ ය.

12) කැමරාකරණය :-
ප‍්‍රධාන කැමරා අධ්‍යක්‍ෂවරයා තෝරා ගැනිමේ දී අධ්‍යක්‍ෂ සමන් විරමන්ට තවත් අභියෝගයකට මුහුණ පාන්නට සිදුවිය. මෙම චිත‍්‍රපටයේ ජාත්‍යන්තර නිර්මාණය ඉංගී‍්‍රසි භාෂාවෙන් පළමු කොට නිම කිරිමට සුදානම් වුව ද විදේශීය ආයෝජනයන්ගේ මත චන්ද්‍රන් රත්නම් අධ්‍යක්‍ෂණය කිරීමට සුදානම්ව සිටි විදේශිය චිත‍්‍රපටය කල් දැමීමට නිෂ්පාදන කණ්ඩායමට සිදු විය. ජාත්‍යන්තර කැමරා ශිල්පි ජේෆ් බර්ට්න් එහි කැමරාකරණයට තෝරාගෙන සිටිමු ත් ජාත්‍යන්තර චිත‍්‍රපටිය කල් දැමීම තුළින් එම අදහස වෙනස්වු අතර ප‍්‍රවීන කැමරා ශිල්පි කේ.ඞී. දයානන්ද සමඟ මෙම නිර්මාණයට මුහුණ දිය හැකියැයි සමන් වීරමන් පැවසු හෙයින් ශී‍්‍ර ලංකාවේ මෙන් ම ජාත්‍යන්තර තලයේ ද, සම්මාන ලබා සිටින දේශිය චිත‍්‍රපටි 60 කට අධික සංඛ්‍යාවකට ප‍්‍රධාන කැමරා ශිල්පියා වු කේ.ඞී. දයානන්ද මෙවැනි චිත‍්‍රපටියක් සදහා තෝරා ගත යුතු යැයි තීරණය විය. එම තීරණය නිවැරදි බව මෙම චිත‍්‍රපටිය නරඹන ඕනෑම අයෙකු නිසැකවම පිළිගනු ඇත.

13) සම නිෂ්පාදකවරුන් :-
ජාත්‍යන්තර චිත‍්‍රපටය නිපදවීම පසෙකලා සිංහල චිත‍්‍රපටය පළමුව නිෂ්පාදනය කළ යුතුයැයි නිෂ්පාදන කණ්ඩායම තීරණය කළ අවස්ථාවේදි ඒ ස`දහා සම නිශ්පාදකවරුන් ලෙස ජේෆ් ගුණවර්ධන හා කාන්ති පෙරේරා එක් වීම මෙම චිත‍්‍රපටිය නිපදවීම ස`දහා විශාල ආධාරකයක් විය. එමෙන්ම පසුගිය අවුරුදු පහ තුළ ම චිත‍්‍රපටයේ විධායක නිෂ්පාදක ලෙස අඛණ්ඩ සේවයක් කළ විනෝද් සෙනෙවිරත්න ද, සහාය නිෂ්පාදක ලෙස කටයුතු කළ රංග ඩයස් ද, රේඛීය නිෂ්පාදක ලෙස සිවිල් ග‍්‍රාමසේවා අමාත්‍යංශයේ අලෙවි ප‍්‍රවර්ධක උපදේශක ප‍්‍රීති වරාවිටගේ ද නිවැරදි තීරණ ගනිමින් නිෂ්පාදන කණ්ඩායමට මහත් රුකුලක් ලබාදුනි.

14) ඵෙතිහාසික චිත‍්‍රපටයක් :-
”ශී‍්‍ර සිද්ධාර්ථ ගෞතම” ශී‍්‍ර ලංකාවේ සැබැ ලෙසම වැඩිම මුදලක් යොදවා නිෂ්පාදනය කළ චිත‍්‍රපටය වන අතර, එය වසර පහක් තිස්සේ විශාල කණ්ඩායමක් කැප වීමකින් යුතුව කටයුතු කොට අවසන් කර ඇති සිද්ධාර්ථ කුමාරයාගේ උත්පත්තියේ සිට බුද්ධත්වය තෙක් සිදුවීම් මත මෙතෙක් ලෝකයේ එම තේමාව මත නිපද වු අංග සම්පුර්ණ සිනමා කෘතිය යැයි කිව හැක. හොලිවුඞ් පුරවරයෙන් නිපදවු ”ලිටිල් බුද්ධ” හෝ ඉන්දියාවේ නිපද වු ”සිද්ධාර්ථ” වැනි චිත‍්‍රපටයක බෞද්ධ ලෝකයා අපේක්‍ෂා කළ පරිපුර්ණත්වය නොතිබුණි. එමෙන්ම ලෝකයේ ථෙරවාදී බුදුදහමේ මුලස්ථානය වන ශී‍්‍ර ලංකාව තුළින් මෙය නිපදවීමට හැකිවිම ද මහත් භාග්‍යයකි. එයට හේතුව වන්නේ පසුගිය අවුරුදු 10 ක කාල සිමාව තුළ ඉන්දියාවේ නිෂ්පාදකවරයෙකු වන මෝඩි මහතා ඇමෙරිකානු ඩොලර් මිලියන 140 ක් සහිතව සුප‍්‍රකට බොලිවුඞ් චිත‍්‍රපට අධ්‍යක්‍ෂ ආශුතෝෂ් ගවාරිකා සම`ග සිද්ධාර්ථ චිත‍්‍රපටය නිෂ්පාදනය කිරීමට උත්සාහ ගත්ත ද සිද්ධාර්ථ කුමාරයාගේ චරිතය ස`දහා නළුවෙකු සොයා ගැනීමට අපොහොසත් වීම මත හා වෙනත් ගැටලූ කිහිපයක් මත ඔවුනට එම චිත‍්‍රපටය නිපදවීමට නොහැකිවිමයි. ශී‍්‍ර ලාංකීය ජනගහනයෙන් 70 පමණ බෞද්ධ සැදැහැවතුන් වුව ද මෙය බෞද්ධයන් ස`දහා පමණක් නිර්මාණය කළ චිත‍්‍රපටියක් නොවේ. මුළු මහත් ජනතාවට ම අගය කළ හැකි වනසේ ලෝකයේ බිහිවු මහා ශ්‍රේෂ්ඨ ප‍්‍රාඥයෙක් පිළිබඳව ඉදිරිපත් වන සංවේදි ආදර කතාවක් ද පසුව වසර 6 ක් තිස්සේ දැඩි කැපවීමකින් යුතුව සිදු කරනු ලබන සත්‍ය ගවේෂණය පිළිබඳව ද ඉතාමත් ආකර්ෂණිය ලෙස තිරය මත දිග හැරෙන මෙම චිත‍්‍රපටය ලෝකයේ අනෙකුත් බෞද්ධ රටවල් 41 ක තුළ පමණක් නොව කතා කරනු ලබන භාෂාව ගැන නොතකා සමස්ථ ලෝක වාසින් විසින් අගය කරනු ලබන පුරා වෘත්තයක් බවට මෙය පත්වනු නිසැකය. සම තිරනාටක රචකයෙකු හා අධ්‍යක්‍ෂවරයා වන සමන් වීරමන් ප‍්‍රධාන කැමරා ශිල්පි කේ.ඞී. දයානන්ද සමඟ දින 60 ක් තුළ රූගත කොට අවසන් කල මෙම චිත‍්‍රපටය ප‍්‍ර‍්‍රවීන් ජයරත්න සමඟ සංස්කරණය, ශබ්ද භාවිතයේ සැලසුම හා පසු නිෂ්පාදන අධික්‍ෂණය කරන ලද අතර දැන් ප‍්‍රදර්ශනය සඳහා සුදානම් ව පවතියි.

”ශි‍්‍ර සිද්ධාර්ථ ගෞතම” චිත‍්‍රපටය මෙම යුගයට බිහිවු සුවිශේෂි චිත‍්‍රපටයකි. 2013 ජනවාරි 24 දින සිට ශි‍්‍ර ලාංකිය සැදැහැවතුන් ස`දහා ඊ.ඒ.පී. සිනමා ශාලා ප‍්‍රමුඛකොට ගත් දිවයින පුරා සිනමා ශාලා 35 ක මෙය ප‍්‍රදර්ශනය කිරීම ආරම්භ වන අතර මෙය නරඹන ලෙසට මෙහි නිෂ්පාදන කණ්ඩායම සැදැහැවත් ශී‍්‍ර ලාංකීය ජනතාවගෙන් ගෞරවයෙන් ආයාචනය කර සිටි.

Now Showing

සිනමා ශාලාව නගරය වේලාව විමසීම්
ලිබර්ටි කොල්ලුපිටිය 10.30 – 1.30 – 4.15 – 7.00 7444477
සැවෝයි 2 වැල්ලවත්ත 10.30 – 1.30 – 4.15 – 7.00 7444477
ක්වීන්ලන් නුගේගොඩ 10.30 – 1.30 – 4.15 – 7.00 7432433
සමන්තා දෙමටගොඩ 10.30 – 1.30 – 4.15 – 7.00 7432429
සිනෙමැක්ස් ජා-ඇල 10.30 – 1.30 – 4.15 – 7.00 7449650ක
ඉම්පාලා රාජගිරිය 10.30 – 1.30 – 4.15 – 7.00 7432431
ටවර් මොරටුව 10.30 – 1.30 – 4.15 – 7.00 7432434
නිකාඩෝ කඩවත 10.30 – 2.30 – 6.30 7432435
සිනෙක්ස්පෝ කුරුණෑගල 10.30 – 2.30 – 7.00 037-7214542
විල්මැක්ස් අනුරාධපුර 10.30 – 2.30 – 6.30 025-7429300
ප්‍රිස්කා කළුතර 10.30 – 2.30 – 6.30 034-2222949
රීගල් අම්බලන්ගොඩ 10.30 – 2.30 – 6.30 091-7214512
ක්වින්ස් ගාල්ල 10.30 – 2.30 – 6.00 091-7214511
මාෂා පානදුර
රෝයල් මීගමුව
අනූෂා මහරගම

Ascetic Siddhartha [1024x768] Ascetic Siddhartha in the Forrest [1024x768] Ascetic Siddhartha near death [1024x768] Ascetic Siddhartha with Guru Alara Kalama [1024x768]
Calming down Kanthaka  [1024x768] Celebrating the birth of prince Rahula [1024x768] Channa brings Prince Siddhartha's royal belongings [1024x768] Channa's Father [1024x768] Closeup of Channa (Saranga Dissasekara) and Queen Prajapathi (Anjani Perera) looking at the royal belongings [1024x768] Crossing the river [1024x768] Devadatta (Gautam Gulati) and Channa (Saranga Dissasekara) in Dual [1024x768] Devadatta enjoying [1024x768] Devadatta hunting [1024x768] Devadatta verses Channa [1024x768] Director - Saman Weeraman [1024x768] Director Saman Weeraman with Indian Star Gautam Gulati as Devadatta [1024x768] Farewell to Prince Nanda [1024x768] Filmset at Light of Asia Centre [1024x768] First day in forest [1024x768] Five Ascetics  [1024x768] Five Ascetics observe Ascetic Siddhartha [1024x768] Guru Uddakaramaputra [1024x768] Guru Vishwamithra (Buddhadasa Withanachchi) [1024x768] Guru Vishwamithra leading Sages [1024x768] H.E. The President being briefed on the construction of the Sakya Palaces in the presence of Chief Archeologist of-NALHY8BT [1024x768] King Suddhodana (Ranjan Ramanayake) and Queen Prajapathi (Anjani Perera) planning Prince Siddhartha's future in the palace [1024x768] King Suddhodana (Ranjan Ramanayake) holds the new born Prince [1024x768] King Suddhodana and Queen Prajapathi [1024x768] King Suddhodana Queen Maya and Prajapathi [1024x768] Location Manik Ganga Katharagama [1024x768] Location Sellakatharagama Ascetic Siddhartha (Gagan Malik) [1024x768] Location Sellakatharagama Sujatha and Maid [1024x768] Mahanayake of Malwatte being briefed by Producer of Sri Siddhartha Gauthama Epic Motion Picture [1024x768] Naming Ceremony [1024x768] Naming Ceremony Brahmin Raama (Kala Keerthi Edwin Ariyadasa) [1024x768] Naming ceremony of the infant Prince [1024x768] Nanda greets Prince Siddhartha [1024x768] Palace - King Suddhodana Queen Maya and infant Prince [1024x768] Palace entertainment Prince Nanada (Roshan Ranawana) and Prince Pasenadi (Dushyanth Weeraman) [1024x768] Palace of Kapilavasthu 2600 back [1024x768] Palace of Kapilawasthu 2600 years back, constructed at Manelwatta Kelaniya [1024x768] Prince Devadatta (Gautam Gulati) [1024x768] Prince Devadatta (Gautam Gulati) and Channa (Saranga Dissasekara) [1024x768] Prince Nanda (Roshan Ranawana) and Channa (Saranga Dissasekara) watching the training [1024x768] Prince Nanda and Prince Passenadi [1024x768] Prince Rohana Contest [1024x768] Prince Siddahrtha with Guru Vishwamithra [1024x768] Prince Siddhartha bidding farewell to parents [1024x768] Prince Siddhartha contemplating [1024x768] Prince Siddhartha holding infant Rahula [1024x768] Prince Siddhartha in training [1024x768] Princes Yashodara [1024x768] Princes Yashodara pleads with her father King Suprabuddha and mother Queen Pramitha [1024x768] Princes Yashodara with Rahula [1024x768] Procession to Lumbini [1024x768] Procession with new born Prince [1024x768] Producer - Navin Gooneratne [1024x768] Queen Maya & Queen Prajapathi [1024x768] Queen Maya (Anshu Malik) and Queen Prajapathi (Anjani Perera) on way to Lumbini [1024x768] Queen Maya (Anshu Malik) and Queen Prajapathi (Anjani Perera) on way to the Palace [1024x768] Queen Maya birth of the Prince [1024x768] Queen Maya in Lumbini [1024x768] Queen Maya with infant Prince [1024x768] Queen Prajapathi and Queen Maya [1024x768] Renunciation -Siddhartha Channa and Kanthaka [1024x768] Royal Family [1024x768] Sage Asitha (Wilson Gunaratne) [1024x768] Sage Asitha (Wilson Gunaratne) and King (Ranjan Ramanayake) at birth of Prince [1024x768] Sage Asitha (Wilson Gunaratne) experiencing the dawn of a spiritual era [1024x768] Sage Asitha with other Ascetics [1024x768] Sakya Warriors [1024x768] Sujatha (Oshadhi Hewamadduma) giving kiri pindu to Ascetic Siddhartha (Gagan Malik) [1024x768] The Palace Dances with Guru (Channa Wijewardena) [1024x768] Ven Prof. Bellanwila Wimalarathana Nayaka Thero Chief consultant for the Script [1024x768] Wedding Dancers [1024x768] Wedding Guests [1024x768] Yashodara arriving for the Wedding [1024x768] Yashodar's Ascetic Life [1024x768]

Share

About the Author

Cinema.lk


  • Dukata path Buddhist kenek

    siraawatama meka nam madhi machan..choreography madi godakma..Poddak hithanna meka aagam nayakayekge jeewitha kathawak..Meeta wada hithanna oni..Hama scene 1kakama quality high wenna oni..Meka aasai mama piyabanna nemei ne..
    Buddhist kenek widihata mata nam meka madi..keeyak wiyadam kalada mama danne naha..naluwo niliyo hoda unata film 1k hoda wenne naha..
    Salli balagena witharada films hadanne?

  • shantha

    buddha charithayata apahasayak!!! harima madi…adum anthimai…..meka hambakirimak

body