බම්බලපිටියේදී යට ඇඳුම පිටින් දුවපු එක තමයි,ජීවිතේ මම කරපු විළිලැජ්ජ නැතිම වැඩේ – පුබුදු චතුරංග

පුබුදු චතුරංග කියන්නේ වර්තමානයේ සිංහල සිනමාව සතුව පවතින වටිනා සම්පතක්.මේ වන විට චිත්‍රපට ගණනාවකින් තම දක්ෂතා විදහා දැක්වු මේ කඩවසම් තරුණයා මේ කාලයේ අති සාර්ථකව තිරගත වන සමනළ සංධ්වනි චිත්‍රපටයේ ද ඉතා විශිෂ්ට අයුරින් රංගනයේ යෙදේ.ජනප්‍රියත්වය හා දක්ෂතාවය යන කාරණා ද්විත්වයෙන්ම බුහුමන් ලබන පුබුදු කලාව ගැන දරන්නේ තරමක රැඩිකල් මතවාදයක්.සිනමාවට,වේදිකාවට අතීශය ඇල්මක් දක්වන ඔහු වර්තමානයේ පවතින ක්‍රමවේදයන් නිසාවෙන් කලාකරුවන්ට බොහෝ සෙයින් අසාධාරණයක් වී ඇති බවට තදින්ම විශ්වාස කරන්නෙක්.ටෙලි නාට්‍යය ක්ෂේත්‍රයේ තිබෙන අර්බුදකාරී තැන්,සිනමා නිර්මාණ පෙන්වීමේ දී මතුවන ගැටලු ගැන ඇතැම් මාධ්‍යය ඉදිරියේ ඔහු නොබියව කතා කරන්නේ සැබැවින්ම ඔහු තුළ වු කලාවට උපන් ඇල්ම නිසාවෙන්මයි.

මේ අයුරින් එක් පුවත්පත් මාධ්‍යයකට ලබා දුන් විස්තරයක් අතරතුරේ එම පුවත් පත මඟින් පුබුදුගෙන් මේ ආකාරයේ ප්‍රශ්නයක් අසා තිබුණා.

ඔය වගේ බොහොම විචාරශීලීව සහ Radical වෙනසක් ගැන කතා කරපු කලාකරුවෝ අද අවසානයේ නතර වෙලා තියෙන්නේ පාර්ලිමේන්තුවේ. අදහසක් එහෙම තියෙනවද දේශපාලනයට එන්න?

ඒ ප්‍රශ්ණයට ඔහු පෙරළා උත්තර දුන්නේ මෙන්න මෙහෙමයි.

“ ජීවිතේ මම කරපු විළිලැජ්ජ නැති වැඩේ තමයි අර Film එකේ දර්ශනයකට Underwear එක පිටින් බම්බලපිටියේදී දුවපු එක. දේශපාලනයට එක්වෙනවා කියන්නේ මම බම්බලපිටියේ ඒ ඇඳුමත් ගලවලා දුවනවා වගේ වැඩක්. ඒ නිසා කවදාවත් එවැනි විළිලැජ්ජ නැති වැඩක් කරන්නේ නැහැ.“

Written by Cinema.lk A