නොමියෙන මතකය සමග, සුභා ජිනීවා යයි

2003 වර්ෂයේදී පළමු වරට ඇරඹි ස්විට්සර්ලන්තයේ මානව හිමිකම් අන්තර්ජාතික සිනමා උළෙල නියෝජනය කරන දෙවන ශ්‍රී ලාංකේය දීර්ඝ වෘත්තාන්ත සිනමාපටය ” නොමියන මතකය” වන අතර , මීට පෙර සංජීව පුෂ්පකුමාරගේ “දැවෙන විහඟුන්” සිනමාපටය 2017 වර්ෂයේදී ප්‍රබන්ධ සිනමාපට තරඟ අංශය නියෝජනය කරමින් සම්මාන ද්විත්වයකට පාත්‍රවිය. බිමල් ජයකොඩි, ප්‍රදීප ජීවා, ස්ටීව් සිල්වා, දසුන් පතිරණ, දර්ශන් ධර්මරාජ් යනාදී නළු නිළියන්ගේ රංගනයෙන් හැඩවෙන “නොමියන මතකය” චිත්‍රපටය නියෝජනය කරන 11 වෙනි අන්තර්ජාතික සිනමා උළෙල මෙය වන අතර, මීට පෙර බූසාන්- දකුණු කොරියාව, හැම්බර්ග්- ජර්මනිය, ලන්ඩන් – එංගලන්තය, මුම්බායි- ඉන්දියාව, ධරම්ශාලා- ඉන්දියාව, හවායි- ඇ.එ.ජනපදය, කොල්කටා- ඉන්දියාව, සිංගප්පූරු- සිංගප්පූරුව , කේරළ – ඉන්දියාව, රොටර්ඩෑම්- නෙදර්ලන්තය යනාදි අන්තර්ජාතික සිනමා උළෙලයන්හිදී “නොමියන මතකය” තිරගත විය.
සටහන – උදිත ලක්මාල් කහඳවආරච්චි