රාජේශ් ඛන්නා මිය යයි

70 දශකයේ ‍ සුපිරි බොලිවුඩ් තාරකාවක් වූ රාජේශ් ඛන්නා ජුලි 18 වන දින මුම්බාහි පිහිටි ඹහුගේ නිවසේ දි අභාවප්‍රාප්ත විය.මිය යන විට එතුමා 69 වියේ පසු විය.

සිනමා ක්ෂේත්‍රයේදී ‘කකා’ ලෙසින් ආදරයට පාත්‍ර වූ රාජේශ් චිත්‍රපට 163 ක රඟපා ඇත. හොඳම නළුවා ලෙසින් ෆිල්ම් ෆෙයාර් සම්මාන 3 ක් දිනාගෙන තිබේ. 1966 දී ‘ආක්රී ඛාත්’ සිනමාපටයෙන් ඔහු රංගනයට අත්පොත් තැබුවේය. හැටේ දශකයේ අවසාන භාගයේත්, හැත්තෑව දශකයේත් සිනමාවේ රජු වූයේ ඔහුයි. එරට සිනමාවේ පළමු සුපිරි තරුව ලෙස නම් දරන්නෙත් රාජේශ්මය.අවසන් කාලයේ රාජේශ් අසලින් හිටපු නිළි බිරිය ඩිම්පල් කපාඩියා ද දූ වරු දෙදෙනා වන ට්වින්කල් ඛන්නා ද රින්කි ද සිට ඇත.

Written by Cinema.lk A