නිදහසේ විඳින්න – සුළඟ අප රැගෙන යාවි
ලාංකීය සිනමාවේ යම් පිබිදීමක් ඇතිවෙලා කියල මේ දවස් වල සිනමාවට ලැදි බොහෝ දෙනෙක් කතා වෙනවා. ඒකට හේතුවක් නැතුවම නොවෙයි. 2019 ආරම්භයේ සිට පළමු කාර්තුව අවසන් වනතෙක් කාලය සළකා බැලුවහම සිනමාහල් වලට ප්රේක්ෂකයින් ඇදෙන විදිහේ චිත්රපට පෙළක් තිරගත වෙමින් තියෙනවා. මේ කියන්න යන්නේ ඒ ලැයිස්තුවට පසුගිය 22 වැනිදා සිට එකතුවුන නවතම චිත්රපටය ගැන.
චිත්රපටයේ නම “සුළඟ අප රැගෙන යාවි”. සුන්දර මීමුරේ ප්රදේශයේ රූගත කළ මේ චිත්රපටය පුරාම තියෙන්නේ සුන්දර රූපරාමු පෙළක්. චිත්රපටය අධ්යක්ෂණය කරන්නේ නුවන් ජයතිලක. නුවන්ගේ පළමු වෘතාන්ත සිනමාපටය වන්නේ මේ චිත්රපටය. කෙටි චිත්රපට, වෙළඳ දැන්වීම් ඇතුළු නොයෙක් නිර්මාණ කටයුතු බොහොමයක අත්දැකීම් තියෙන නුවන්, සිනමාවට ප්රවේශය ගන්නේ මේ චිත්රපටයෙන්. ඒ ප්රවේශය ලෝකයේ රටවල් කිහිපයක සිනමා උළෙල වෙත ගෙනයන්නත් නුවන් සමත් වුනා. සුළඟ අප රැගෙන යාවි චිත්රපටයට අයිරාංගනී සේරසිංහ, ප්රියංකර රත්නායක, සුරංගා රණවක, අංජන ප්රේමරත්න, සම්පත් ජයවීර, ඇතුළු නළුනිළි පිරිසක් රංගනයෙන් දායක වනවා. මේ ප්රවීණ රංගවේදීන්ට අමතරව ළමා නළු නිළි පිරිසක් දක්ෂ රංගනයක නිරත වනවා.
Written by Nisanka Weheraduwa